෴෴෴ සයිමන් අයියයි මාටින් අයියයි ෴෴෴ සයිමන් අයියයි මාටින් අයියයි හොඳම යාළුවෝ දෙන්නා ගමන් බිමන් කන බොන දේ එකටයි එක වගෙ අඳින්නෙ දෙන්නා මේ දෙන්නව බැහැ තරහ කරන්නට කව්රුත් දැනගෙන උන්නා පිට පළාතකින් පවුලක් ඇවිදින් මේ ගමෙ පදිංචි වෙන්නා (හරි ලස්සණ කෙල්ලෙක් උන්නා ඒ ගෙදර ලස්සණ කෙල්ලෙක් උන්නා) // දවසක් දෙන්න ගමනක් ගොස් මේ ගේ අසලින් යන්නේ ආසයි කියන්නත් ආසයි අර තරුණි සිනාසෙන්නේ මට දෝ මෙයාටද දන්නෑ ඒ සංග්‍රහයක් කෙරුවේ සයිමන් අයිය සිතුවාසේ මාටින් අයියත් සිතුවේ වැදුනා දෙන්නටම විශාල සැකයක් සිත ඇතුළට වැදුනා සිතුනා බලන්නට තනියම ඇවිදින් දෙන්නාටම සිතුනා සයිමන් අයිය දැන් එන්නේ මාටින් අයියා නැතිවයි මාටින් මේක ගැන දන්නෑ එයත් එන්නෙ තනිවයි සයිමන් අයියයි ................ තරඟේ දෙන්නගෙ අතරේ දවසින් දවසට මෝරයි ඇඳුමෙන් පැළඳුමෙන් වාගේ සැන්ට් පව්ඩර් සුවඳ හමයි දවසක් දෙන්න මුණ ගැසුනේ මේ තරුණිගෙ නිවස ලඟයි තරුණී දොරකඩ සිටියේ තම සැමියා සමගයි තරුණන් දෙන්න අර යන්නේ සැමියගෙ හරි කරුණාවන්තයි මෙතනින් යනකොට කොයි වෙලාවටත් යන්නේ හිනාවෙලයි මේ දැන් දෙන්නට දැනුනේ දෙන්නම රැවටිච්ච බවයි සයිමන් මාටින් දෙන්නා තාමත් හොඳ මිතුරො තමයි සයිමන් අයියයි ................ පද රචනය: කරුණාරත්න අබේසේකර සංගීත නිර්මාණය: පී. එල්. ඒ. සෝමපාල ගායනය: එම්. එස්. ප්‍රනාන්දු චිත්‍රපටය: ආදරේ හිතෙනව දැක්කම (1972) Lyrics: Karunarathne Abeysekara Music: P. L. A. Somapala Artist: M. S. Fernando Film: Adare Hithenawa Dakkama (1972)
No comments:
Post a Comment