෴෴෴ මගෙ සුරතල් පොඩි දුව ෴෴෴
මගෙ සුරතල් පොඩි දුව හොඳ ළමයෙකු වෙනවා
එහි සැකයක් නැති බව මට වැටහී යනවා
මට ඇති එක වස්තුව මේ ලොවෙහි ඔබ තමා
මා මැරුණත් මගෙ හිත නැහැ යන්නෙ ඔබ දමා
පාන්දරින් මම යන කල රැකියාව කරා
මිදුලට බැස අත වනනව නොපෙනි යන තුරා
(පොඩි සපත්තු ඇඳුම් තවද කැවිළි ගේනවා
මේව දීල මං ඇගෙ පොඩි සිත සනසනවා) //
පොඩි දේකට බැන්නොත් එයා දුකෙන් අඬනවා
එවෙලෙට මට අනුකම්පාවක් ඇති වෙනවා
නාඬන් මගෙ දුව කියමින් වඩා ගන්නවා
හොඳයි නරක දෙක එයාට වටහා දෙනවා
කල් ගත වී පොඩි දුව ලොකු ළමයෙක් වෙනවා
දැන් එයාට හොඳයි නරක ටිකක් දන්නවා
(චරිතෙ ඔබේ පණටත් වැඩියෙන් රැක ගන්න
දිවි රැකුණත් කිළුටින් පල නැතැයි සිතන්න) //
මගෙ සුරතල් පොඩි දුව................
No comments:
Post a Comment